Nakemmeg ti maysa a lalaki a dati a drug surrenderee iti napasamak nga anti-illegal drug operation idiay Galimuyod, Ilocos Sur.
Segun ti Galimuyod Municipal Police Station, ti suspek ket maysa a lalaki, baro, awanan ti trabaho nga nabigbig a high value individual ken nailista a Resurgent high value target iti PDEA nga agnaed iti nasao nga ili a naaktoan iti panagilakona iti illegal a droga.
Naala kenkuana iti 0.32 a gramo iti mapapati a shabu nga aggatad ti P2,176.
Naammoan a tawen 2015 ket nakemmeg ti suspek iti buy-bust operation iti panaglabsingna iti Section 5, 11 ken 12 iti Republic Act 9165 ken panaglabsing iti Republic Act 10591 ngem na-acquit ken nawaya-wayaan idi 2016.
Kabayatanna maipila manen iti suspek ti kaso a panaglabsing iti Section 5 wenno panagilako iti illegal drugs iti salinong ti Republic Act 9165 wenno Comprehensive Dangerous Drugs Act of 2002.
