Naideklarar a natay dati a Department of Public Works and Highways (DPWH) Undersecretary Maria Catalina Cabral.
Segun kadagiti otoridad, nasarakan ni Cabral nga awan ti puotna iti igid iti Bued River idiay Tuba, Benguet a mapatta-patta a duapulo agingga tallopulo a metro iti kaunegna manipod iti Kennon Road, mano nga oras kalpasan a napakaammo a mapukpukaw.
Karaman ni Cabral kadagiti kontrobersyal iti flood control projects ken dagiti pammabasol iti mapapati a kickback scheme iti uneg iti DPWH.
Maipalagip a nagikkat isuna idi September 2025 kasaruno iti imbestigasyon iti mapapati a korapsyon iti ahensya ken nairekomendar a makasoan iti administratibo gapu iti mapapati a panaglabsingna ti Code of Conduct and Ethical Standards for Public Officials and Employees.
Iti agdama ket agtultuloy iti imbestigasyon dagiti otoridad iti napasamak ken no ania iti rason iti insidente.
