--Ads--
VIGAN CITY – Kinumpirmaran ti Technical Education Skills Development Authority iti panangdutok ni President Ferdinand Bongbong Marcos Jr. ti sekretarya iti TESDA.
Iti pannaki-uman ti Bombo Radyo Vigan ken ni TESDA Deputy Director General Aniceto John Bertiz III, naidanon iti opisinada iti pannakadutok ti baro a secretary ti TESDA nga isu ni dati a Labor and Employment Undersecretary Danilo Pakingan Cruz.
Segun ken ni Bertiz, dati a nagserbi ni Cruz kas undersecretary idi adminsitrasyon ni dati a Presidente Gloria Macapagal Arroyo ken dakkel iti naitulongna kadagiti overseas Filipino worker iti panagakemna.
Natalek ni Bertiz a kabaelan ti in-coming secretary iti akemna tat a kabisadon iti opisina.
-- ADVERTISEMENT --
