VIGAN CITY – Imbutaktak ti dati a Chinese Spy nga adda 1,200 a chinese spy nga agop-operate idiay Australia.
Iti pannaki-uman ti Bombo Radyo Vigan ken ni Bombo International News Correspondent Denmark Suede, nag-back-out ti maysa a chinese interpreter iti naisayangkat a Defending Australian Summit gapu iti butengna para iti seguridadna.
Nainget ti Australian Government iti seguridad ngem maluslusotan latta ida ti China kas kuma ti Hacking a mapaspasamak kadagiti Telephone Company, a pakal-alaanda iti rekord dagiti Australians wenno dagiti agnanaed ti nasao a lugar.
Ninamnama da metten nga ilibak ti Chinese Embassy iti nasao a pasamak.
Innayon pay ni Suede a no agsarita ti maysa a chinese citizen nga agnananed idiay Australia kontra iti Chinese Government, dagiti pamilyada wenno kabagyanda idiay China iti tartargeten ti gobierno ti China.
Kabayatanna, agtultuloy nga imimbestigaran ti Australian Federal Police ken Australian Secret Intelligence Service iti claimed ti dati a Chinese Spy mainaig iti 1200 a chinese spy idiay Australia.// Bombo Mary Grace Beltran
