Pinagmuelta ti Office of the Ombudsman ni dati a Cebu Governor Gwendolyn Garcia iti P1.2 milion ta napaneknekan a guilty iti kaso nga administratibo ken misconduct gapu iti panangaprubarna iti desilting project iti Managa River.
Segun iti Ombudsman, maysa a tawen a suspension without pay koma ti nasken a pannusa ken ni Garcia ngem gapu ta awan isunan iti puesto ket pinagmueltada laengen iti P1.2 milion katukad iti innem a bulan a sweldona.
Maipalagip a ni Moises Deiparine ti nangipila iti kaso kontra ken ni Garcia a naakusaran iti grave abuse of authority, gross misconduct, serious dishonesty, gross negligence, conduct prejudicial to the best interest of the service.
Malaksid dayta, linabsing pay ti dati nga opisial ti Code of Conduct and Ethical Standards for Public Officials and Employees.
