VIGAN CITY – Kinumpirmaran ni Police Brigadier General Rodolfo Azurin Jr, Regional Director ti Regional Office 1 ti PNP a simmuko kadakuada ni dati a Cabugao Mayor Josh Edward Cobangbang kaddua na ni Atty. Arvin Manibo Manaois, Engr. Crecencio Concepcion Marcos idiay Police Regional Office 1, Camp Florendo, Parian, San Fernando, La Union.
Segun ti report manipod PRO1, simmuko ni Cobangbang babaen iti panangallukoy ni dati a Governor ken agdama a Narvacan Mayor Luis Chavit Singson kenni Mayor Edgardo Cobangbang a sumuko iti dati a mayor a putot na.
Maipalagip a ni dati a Mayor Josh Edward Cobangbang ken sangapulo ket siyam nga empleyado ti munisipyo ket naakusaran ti Serious Illegal Detention ken Grave Coercion.
Ti agdama immandaren ni Azurin iti panagturong ti kameng ti Ilocos Sur Police Provincial Office tapno iserbi iti warrant kontra iti dati a mayor ken kakadduana kas protocol ti PNP.
Dumalan ti sangapulo ket uppat nga aldaw a mandatory quarantine da Cobangbang kas paset ti health protocol ita a COVID19 pandemic.
