Pinasingkedan ti Philippine Atmospheric, Geophysical and Astronomical Services Administration (PAGASA) a naabot ti danger level ti heat index iti sangapulo ket dua a lugar idi kalman.
Maibilang a danger level nu immabot ti heat index iti 42 °C ken 51°C, posible a pakariknaan ti heat cramps ken exhaustion ket nu kas bilang napaut iti pannaka-expose iti nasao a kondisyon, posible ti heatstroke.
Iti PAGASA monitoring, ti heat index idiay Virac, Catanduanes ket immabot iti 46 °C, simmaruno idiay Dagupan City, Pangasinan ken Sangley Point, Cavite City, Cavite a 43°C.
Dagiti lugar a nakairekord iti 42°C heat index ket pakairamanan idiay Cubi Pt., Subic Bay, Olongapo City, Pampanga; Cuyo, Palawan; Masbate City, Masbate; Roxas City, Capiz; Iloilo City, Iloilo; Dumangas, Iloilo; Panglao International Airport, Bohol; Maasin, Southern Leyte; ken Hinatuan, Surigao del Sur.
