Manamnama a maabot ti heat index iti danger level iti tallo a lugar ita nga aldaw, April 7, 2025 kas kinuna PAGASA.
Segun ti state weather bureau, ti synoptic station idiay Virac, Catanduanes ket manamnama a 43 °C heat index.
Manamnama ti heat index agingga 42 °C idiay Dagupan City, Pangasinan ken Dumagas, Iloilo.
Ti heat index ket nu kasanu iti kabara a marikna iti bagi.
Ibilang ti state weather bureau dagiti lugar nga adda 42 °C agingga 51°C heat index a danger category, a narisgo iti heat stroke.
Karaman ti synoptic stations idiay Metro, Manila, NAIA Pasay City ket manamnama nga agrukod ti hat index iti 40°C ken Science Garden Quezon City a 39°C.
Ti heat index manipod 33°C agingga 41°C ket extreme caution category ta posible iti heat cramps ken heat exhaustion.
Binalakadan ti PAGASA iti publiko a limitaran iti outdoor activity, agtalinaed a hydrated ken agaramat iti presko a bado tapno maliklikan ti heat-related illnesses.
