Sangapulo ket siam a lugar iti pagilian ti nakairekord ti danger category heat indices idi kalman, April 17, 2025 kas pinasingkedan ti Philippine Atmospheric, Geophysical, and Astronomical Services Administration.
Ti kangatoan a heat index a nairekord ket idiay Echague, Isabela ken Roxas City, Capiz a 44 degrees Celsius.
Ibilang ti Pagasa a danger category nu ti heat index ket 42ºC to 51ºC gapu iti nayon a risgo iti heat-related illnesses kas ti heat cramps, heat exhaustion ken heat stroke.
Nairekord iti 43ºC a heat index idiay Tuguegarao City, Cagayan; Sangley Point, Cavite City, Cavite; Infanta, Quezon; Puerto Princesa City, Palawan; ken Dumangas, Iloilo.
Agpapada met a 42 ºC iti heat index a nairekord idiay Dagupan City, Pangasinan; Calayan, Cagayan; Aparri, Cagayan; Baler, Aurora; Iba, Zambales; Cubi Pt. Subic Bay Olongapo City; San Ildefonso, Bulacan; Ambulong, Tanauan Batangas; San Jose, Occidental Mindoro; Cuyo, Palawan; Catarman, Northern Samar; ken Zambaoanga City, Zamboanga del Sur.
