--Ads--
VIGAN CITY – Saan laeng a masimpa nu diketdi mabaliwan iti dancing fountain iti probinsia gapu iti napasamak a ginggined ken pannakaapektarna idi nakimat iti obelisk.
Iti pannaki-uman ti Bombo Radyo Vigan ken ni Governor Jerry Singson, naapektaran ti dancing fountain idi nagkimat idi July 7, 2022 ti historical landmark iti probinsia nga isu ti obelisk iti Plaza Salcedo duapulo nga aldaw sakbay a napasamak iti ginggined idi Hulyo 27.
Segun ken ni Gov. Singson, nakimat iti high-tech a makinarya iti dancing fountain ket adu iti rumbeng a masimpa isu nga ikeddengda laengen a “totally” a mabaliwan.
Impasiguradona iti publiko a napinpintas ken naisangsangayanton iti agbalin a langa iti dancing fountain tapno naad-adu pay iti agbuya iti masangwanan.
-- ADVERTISEMENT --