Umaboten iti P1.91 billion ti gatad a nadadael iti sektor ti agrikultura gapu iti Habagat ken bagyo Luis, Maymay ken Neneng, segun iti DA.
61,237 a mannalon ken nasurok a 54,611 nga ektaria ti agrikultura ti naapektaran, idinto a 7,772 metriko tonelada a produkto ti napukaw iti produksion.
Ti kadakkelan a nadadael ket ti bagas nga aggatad iti P1.07 billion, a sinaruno dagiti high-value crops a P610.32 million.
Karaman pay a nadadael ti mais, kamote, taraken, pasilidad ti irigasion, estruktura ti talon, makinaria ken panagkalap.
Kas tulong, mangilatang ti DA iti P237.99 milion a gatad dagiti agricultural inputs, idinto a makautang met dagiti mannalon agingga iti P25,000 babaen ti SURE Loan Program.
Mangted pay ti NFA iti 3,631 a sako ti bagas kadagiti apektado nga LGU iti Ilocos Region,Cagayan Valley, Central Luzon ken MIMAROPA, mangideploy met kadagiti truck ti KADIWA para iti pannakaited ti tulong.
