--Ads--
Umaboten iti P200 milion ti nadadael iti sektor ti agrikultura gapu iti habagat, bagyo Luis, ken bagyo Maymay, segun iti Department of Agriculture (DA).
Maibasar iti agtultuloy nga assessment dagiti DA regional office, nairekord ti P197.2 milion a gatad ti nadadael iti Ilocos Region, Cagayan, Central Luzon, Calabarzon, Mimaropa, ken Western Visayas, ta umab-abot iti 6,973 nga ektarya ti agricultural areas ti naapektaran.
Kadakkelan a nadadael iti irik nga umabot iti P143.67, sinaruno dagiti high-value crops a P30.27 milion, pakairamanan dagiti nateng, papaya, ken saba.
Mapatta-patta a P4.65 milion met ti nadadael iti mais, idinto nga umabot iti P16.1 milion ti nadadael iti irrigation facilities ken P2 milion iti farm structures.
-- ADVERTISEMENT --
