--Ads--
Nagpanawagan ni House Committee on Energy member ken Ako Bicol Partylist Rep. Alfredo Garbin Jr. para iti dagus a rollback iti presio ti kerosene ken liquefied petroleum gas iti baet ti agtultuloy a panagpangina ti magatang.
Singasing ni Garbin a maisubli ti nalaklaka a presio ti kerosene ken LPG, iti P70 – P80 kada litro ti kerosene ken P900 agingga P950 para iti 11-kg nga LPG tank.
Segun ken ni Garbin, saan a nainkalintegan ti agdama a presio ti kerosene ken LPG, nangruna ita a panawen ti state of national energy emergency.
Ballaag ti kongresista a no nangina latta ti presio ti kerosene ken LPG ken ngumina met dagiti masida kadagiti karinderya idinto a dagiti dadduma ket mapilitan nga agusar iti kayo a pagtungo wenno agrikep ti dadduma.
-- ADVERTISEMENT --
