Imbutaktak ni Senador Risa Hontiveros a posible nga adda dagiti opisyal iti gobierno ti timmulong kadagiti illegal a Philippine Offshore Gaming Operator (POGO) tapno agtultuloy iti operasyonda iti pagilian.
Aminado ni Hontiveros nga agingga ita ket adda pay laeng ti POGO nga agtultuloy ti operasyonna ken agbalbalinda a nasirib ta nagaramidda iti sabali a wagas tapno masukatan ti identity-da.
Kinunana nga adda nakadanon kadakuada nga impormasyon nga adda kinnusabus iti government official dagiti POGO a mangbalbalakad kadakuada a sukatan ti pormada iti Business Process Outsourcing ngem POGO latta iti operasyonda.
Nupay kasta ket awan ti nagan a naited iti opisinana nu siasino nga opisyal iti gobierno iti mangbalbalakad kadagiti POGO.
Impaganetget ni Hontiveros nga agbalin a ballaag dayta kadagiti adda iti gobierno kangrunaan nu pudno a tultulongan dagiti dadduma nga opisyal dagiti POGO iti laksid ti total ban ti presidente ta siguradoenna a madusada.
