Nangiruar ti Bureau of Internal Revenue iti baro a listaan dagiti agas nga exempted iti value-added tax, agraman dagiti agas kontra diabetes, hypertension, high cholesterol, ken mental illness.
Iti salinong ti Revenue Memorandum Circular, inupdate ni BIR Commissioner Romeo Lumagui Jr ti listaan dagiti VAT-exempt nga agas tapno mairaman dagiti para iti diabetes.
Exempted pay dagiti agas para hypertension kas t iAmlodipine 20 mg tablets, ken para iti high cholesterol Amlodipine + Atorvastatin tablets, agraman ti Risperidone 4 mg orodispersible tablet para kadagiti adda sakitna iti panagpampanunot.
Innayon ti BIR a dagiti nayun nga exemption ket naaramid kas sungbat iti updated a listaan dagiti VAT-exempt a produkto nga inyendorso ti Food and Drug Administration.
Maipalagip nga idi Disyembre ket naikkatan iti VAT ti BIR dagiti umabot iti sangapulo ket innem nga agas kontra iti cancer, diabetes, ken sakt iti panagpampanunot.
