Temporaryo a maisarra inton bigat October 30, 2025 ti dadduma a kalsada iti siudad ti Vigan kagiddan ti Raniag: The Vigan City Twilight Festival 2025 manipod alas singko iti malem agingga alas nuebe iti rabii para iti pannakaisayangkat ti Float Parade and Competition.
Dagiti nasao a kalsada ket pakairamanan ti Quezon Avenue, Liberation Blvd., Boardwalk, Nueva Segovia, Crisologo St., ken Burgos St.
Segun ti City government ti assembly time iti floats ket ala una iti malem ket ti assembly areas ti Mayor’s Office, Vice Mayor’s Office ken PGIS floats ket iti sangwanan City Hall; City Government Employees ket iti sangwanan ti St. Paul Metropolitan Cathedral; ken Barangays, Sangguniang Kabataan (SKs), Non-Government Organizationss, ken Business Establishments ket iti sangwanan iti MartOne.
Nabalakadan dagiti motorista a dalanen iti Rizal Avenue, Quirino Boulevard, Rivero Street, ken Vigan City Bypass Road para iti rerouting.
