--Ads--
VIGAN CITY– Pormalen a naglukat iti selebrasyon ti Paskua iti syudad ti Vigan babaen iti pannakasilaw dagiti dadakkel a christmas balls a masarakan iti sangwanan iti city hall ken dadduma pay a lugar iti syudad, kasta met iti christmas tree a masarakan idiay Plaza Burgos, pakiramanan iti video mapping a mabuya dagiti umili iti kada sangapulo ket lima a minutos.
Segun kenni City Mayor Juan Carlo Medina, daytoy ket nagtitipona a kapnunutan iti sibubukel a city government ti Vigan para iti pannakaipaay iti naidum-duma a pabuya ken pagpasyaran dagiti umili ken dagiti turista.
Namnamaen ni Mayor Medina a makaited iti ragsak kadagiti umili dagiti nalukatan a christmas decor kasta met iti kaunaan a video mapping iti syudad.
