VIGAN CITY- Susik iti napalabas iti mapapati a maysa kadagiti posible a nagramotan iti napasamak a komosyon a nagtinnag iti pammaltog iti maysa a salunan idiay Barangay Naglaoa-an, Sto. Domingo a nakatayan iti dua ken nakadunuran iti tallo a sabali pay, karaman iti maysa a lalaki nga agtawen iti sangapulo.
Segun ken ni PSInsp. Robert Valiente, hepe ti Sto. Domingo municipal police station, napan iti salunan nga ayan da Florante Tabuso kenni Palmis Susa, agpada nga agtawen iti tallo pulo ket innem, naasawaan ken residente ti nasao a lugar iti maitudtudo a suspek a ni PO2 Jun Christopher Briones ket inyawat na iti ima na a maki-allamano ngem imbes nga inawat ni Tabuso, inasitgan na ti suspek ket kinapkapan idinto a ni Susa ket rinaked na met ti suspek.
Ti dayta a kanito, adda iti napasamak a komosyon kadakuada a tallo agingga a naasot ken nakalbit ni Briones iti paltog na a nakatamaan ni Tabuso kenni Susa.
Dead on the spot ni Tabuso idinto a ni Susa ket natalgeden iti kasasaad na agsipud ta saan a nakaro iti dunor a sinagaba na.
Kabayatanna, nairaman iti dayta a pasamak ni Liezel Agcamaran, agtawen iti tallo pulo ket tallo, naasawaan ken residente ti Sived, Sto. Domingo, kasta pay iti kabsat ti suspek ken ubing nga agtawen iti sangapulo.
Naitaray idiay Northside Doctor’s Hospital ni Agcamaran ngem kinumpirmaran ni Valiente a pimmusay, idinto a ti suspek ket naglibas nga insigida kalpasan iti napasamak.
Pito a kapsula ken maysa a deformed slug iti mapapati a .45- caliber pistol iti nasarakan iti nakapasamakan iti insidente.
