Nakita manen ti dakkel a paset ti nasurok tallogasut a tawen a Daan nga Ili iti Pantabangan idiay Nueva Ecija kalpasan a bimmaba ti lebel iti danum iti Pantabangan Dam ta nababbaba ngem iti adu iti panagtudo.
Ad-adu iti limtaw nga istruktura bayat a nairekord iti PAGASA ti reservoir water level iti dam iti 177.43 metro iti alas otso iti bigat, umabot iti uppat a pulo a metro a nababbaba ngem iti normal high water-na 216 metro.
Ti daan nga ili ket naigagara a naipalned idi dekada 1970 tapno ikkan dalan ti panagpatakder iti Pantabangan Dam, maysa a kadakkelan a dam iti Southeast Asia.
Gapu iti proyekto, nasurok 1,000 a residente iti nayakar ken naibakwit iti sabali a lugar.
No bumaba a nalaing ti danum iti dam ket tumtumpuar iti daan nga ili nga agserserbi a pakalaglagipan iti pakasaritaan iti lugar.
