VIGAN CITY – Daan a susik ti mapapati a nangbagkongan ni Joy Taal Costales, agtawen iti limapulo ket tallo iti kayongna a ni Joel Pichay Taasin, agtawen iti limapulo ket tallo, agpada a taga-Barangay Sta. Monica, Magsingal.
Agin-inom ti biktima ken ti kabsat ti suspek iti paraangan ti family house ti suspek ket kalpasan ti panaginomda, pimmanaw ti kabsat ti suspek ket nabati nga agmaymaysa ti biktima.
Idi nakasangpet ti suspek ket nakitana ti biktima nga adda iti paraanganda, nangala iti kutsilyo ken binagkongna ti biktima agingga a nagginnubalda a dua.
Nadunor iti akin-kannigid a paset ti tyanna idinto a ti suspek ket nadunor iti akin-kannawan a sakana ken agpadada a naipaagas iti ospital para ti pannakatamingda.
Ti met naaramat a patadem nga adda kaatiddugna a sangapulo ket lima a pulgada ket impaima ti putot ti biktima kadagiti pannakabagi ti linteg.
Agtultuloy met ti imbestigasyon dagiti pannakabagi ti linteg inaig ti napasamak.
