VIGAN CITY – Mapapati a daan a riri iti rason iti pammaltog idiay Barangay Rosario, Cervantes.
Iti pannakipapatang iti Bombo Radyo Vigan ken ni PMaj. Macario Dulawan iti Cervantes Municipal Police Station, bayat iti panagtugaw ti biktima a ni Prudencio Palomo Ramirez, agtawen ti limapulo ket dua iti sangwanan iti pagtaenganna ket kellaat nga immasut iti paltog ti limmabas a suspek a ni Francisco “Kiko” Garcia, agtawen ti duapulo ket walo ket pinaputokanna ni Ramirez.
Segun ken ni Dulawan, limsot iti bala iti akin-kannawan nga abaga ti biktima ket simmaruno a naitama iti tawa iti pagtaengan idinto a ti suspek ket naglibas apaman a napaltoganna ti biktima.
Naipan iti ospital ti biktima ket iti agdama natalgeden ti kasasaadna idinto a ti suspek ket nakemmeg ta nasarakan met laeng dagiti panakabagi ti linteg.
Kabayatanna, narekubre iti nakapasamakan iti pammaltog ti basyo iti .45 caliber.
VOICE OF PMAJ. MACARIO DULAWAN
