Maitabon ni Department of Agriculture Undersecretary Deogracias ‘DV’ Savellano inton Enero 18, oras iti alas nuebe iti bigat idiay St. Mark the Evangelist Parish Church iti ili ti Cabugao, Ilocos Sur.
Awan pay laeng ti naibaga no asino dagiti prominente a tattao ti mapan makipamunpon.
Iti mensahe ti putotna a ni Patch Singson, linagipna no kasano ti kasayaat ti amana kadakuada ken ti kinareggetna a serbian dagiti Ilocano.
Kabayatanna, dagiti opisial a bimmisitan iti lamayna ket pakairamanan da DILG Secretary Benhur Abalos Jr., Senador Joel Villanueva, QC Mayor ken dadduma pay.
Ni Savellano ket namitlo a nagserbi kas gobernadora manipud 1992, 2001-2004, ken 2007-2010; Vice Governor manipud 1988-1992 ken 2010-2016.
Nabotosan kas Ilocos Sur 1st District Rep idi 2016 ken nare-elect idi 2019; Deputy Speaker ti kamara manipud 2019-2022 ken Usec ti DA sipud July 31, 2023.
Pimmusay ni Savellano iti tawenna nga innem a pulo ket innem idi January 7, 2025 gapu iti sagsagabaenna nga abdominal aneurysm.
Mabigbigbig ti opisial gapu iti adbokasiyana para kadagiti tobacco farmer ken ti panangital-ona iti kultura ti Ilokano.
Isuna ti nangirusat iti KABSAT Caravan, maysa a prosperity program a mangipaay iti libre a farm machineries ken input kadagiti mannalon iti probinsia.
