Target ti Department of Agriculture a makagatang ti stocks iti mais a mangsupusop iti rice supply inton 2026.
Segun ken ni Department of Agriculture Secretary Francisco Tiu Laurel Jr., gagem ti ahensya a makagatang ti puraw ken yellow a mais tapno makaaramid iti corn grits kas rice alternatives.
Gapu ta para iti taraon ket adu dagiti lugar iti pagilian iti mangmangan iti mais ket singasing ni Laurel a padasen tapno mapababa ti demand iti bagas.
Ti budget request para ti acquisition ket karaman iti General Appropriations Act (GAA) inton 2026.
Namnamaen ni Laurel a mailatangan uray P500 million agingga P1 billion a pangrugi a pondo.
Dagiti magatang a mais ket maipan iti sangagasut tallopulo ket uppat a kabarbaro a refurbished National Food Authority (NFA) warehouse karaman dagiti stock ti P20 per kilo iti bagas.
