--Ads--
Dinayaw ti Department of Agriculture ti panangipalubos ti National Price Coordinating Council iti P50 kada kilo a price cap para iti imported a bagas, iti baet ti epekto ti panagpangina ti presio ti langis iti pagilian.
Segun ken ni DA Spokesperson Assistant Secretary Arnel de Mesa, pagyamanan ti ahensia iti nadaras a panagtignay ti NPCC maibasar iti rekomendasionda.
Agur-uray laengen ti DA iti opisial a pammilin tapno maipatungpal ti price ceiling iti 5 percent broken imported rice kadagiti paggatangan, nangruna iti salinong ti state of energy emergency.
Innayonna a karaman iti mairuar nga Executive Order dagiti pannusa wenno tignay kontra kadagiti aglabsing iti price cap.
-- ADVERTISEMENT --
