Pinasagidan ni Department of Agriculture Secretary William Dar dagiti mangbabalaw kenkuana inaig iti addang nga aramidenda a panangangkat ti galunggong ti sabali a pagilian.
Iti pannaki-uman ti Bombo Radyo Vigan kenni Sec. Dar, makaturog paylaeng isuna a nasayaat nu man pay ado iti mangmanggeg na ken mabasbasana a pammabalaw kenkuana.
Kinunanana a daanen nga isyu iti maibanbansag kenkuana nga adda iti korapsyon ti ahensya ken nakasagana a sumango iti aniaman nga imbestigasyon a maisayangkat.
Tinakderan ti opisyal iti maisayangkat a panangangkat ta para kenkuana makatulong daytoy para iti masangwanan .
Maipalagip nga adda iti resolusyon nga impila ti Makabayan Bloc ti kamara tapno imbestigaran ti kurang a supply ti galonggong a makaapektar iti biag dagiti mangngalap.
