Pinapigsa ti Department of Agriculture dagiti addang tapno maisubli iti normal ti populasion dagiti baboy iti pagilian ken masigurado a natibker ti suplay ken presio ti karne iti merkado.
Segun ken ni Agriculture Secretary Francisco Tiu Laurel Jr., agtultuloy nga ipatpatungpal ti ahensia ti naing-inget a biosecurity measure ken science-based repopulation program.
Gagem ti addang a malapdan ti panagwaras ti African Swine Fever ken mapadaras ti panagbangon ti industria.
Ikagkagumaan ti gobierno a mabalanse ti pannakapapigsa ti produksion ti hog sector kabayatan a masalwadan ti pagbiagan dagiti agtartaraken.
Maibasar iti Philippine Statistics Authority, bimmaba iti 8.75 milion nga head ti swine inventory ti pagilian idi 2025 manipud iti 9.57 milion idi napan a tawen.
