Natalek ti Department of Agriculture a mariknanto dagiti konsyumer ti panagbaba ti presyo ti taraon kadagiti sumarsaruno a bulan gapu iti manamnama a pannakaisubli ti food production ken suplay iti normal a lebel.
Segun ken ni DA Assistant Secretary Arnel de Mesa, patta-pattaen ti ahensia a lumaka ti presyo ti karne, ikan, nateng ken bagas.
Para iti karne ti baboy, ti panagpangina ti presyona ket ti agtultuloy pay laeng nga epekto ti African Swine Fever ken ti dakkel a demand para iti commodity iti last quarter ti 2024.
Ti nalaka a presyona ket manamnama inton umay a bulan agsipud ta dagiti agtarataraken iti baboy ket in-inut metten a makalunglung-aw kasta payen iti presyo ti nateng ta makarekrekobren ti agricultural fields manipud iti epekto ti El Niño ken dagiti nagsasaruno a bagyo idi napan a tawen.
Para met iti bagas, ti panagbaba ti presyona iti world market ken ken ti deklarasyon iti ‘food security emergency’ ti manamnama a mangilaklaka iti presyona.
