Nangted ti go signal ti Department of Agriculture iti panangbakuna ti African Swine Fever vaccine kadagiti commercial farm.
Nakailanad iti nairuar nga Administrative Order No. 08 series ti 2024 ti DA a gagemna a palawaen ti panagbakuna kontra ASF ditoy pagilian.
Iti daytoy nga Administrative Order, nababa ti partisipasyon dagiti babassit a hog raisers iti controlled vaccination program, isu a tapno mapapartak ti panagbakuna kontra ASF, mabakunaan met dagiti baboy kadagiti commercial farm.
Babaen pay ti nasao nga Administrative Order, dagiti laeng producer a kameng ti Integrated National Swine Production Initiatives for Recovery and Expansion wenno programa ti INSPIRE ti karaman iti programa.
Nasken a mangipasa iti intent letter iti Bureau of Animal Industry ken umanamong a mangisayangkat iti inspeksion kadagiti farm da a mangala iti sample ti dara kadagiti tarakenda a baboy.
