Rinugyan ti Department of Agriculture ti barangay-level rollout ti P20 kada kilo ti bagas idiay Davao City kas panangpalawa ti programa a “Benteng Bigas, Meron Na!” ti administrasion.
Immuna a naisayangkat ti distribution idiay Barangay Matina crossing a sinaronoan idiay Barangay Tungkulan idiay Toril district nga indauloan da Assistant Secretary for Agribusiness, Marketing and Consumer Affairs Genevieve Velicara-Guevarra, kadua dagiti opisyal ti barangay ken mangibagi ti National Food Authority (NFA) ken Food Terminal Corporation (FTI).
Segun ken ni Guevarra, napateg ti aktibo a partisipasion ti lokal a gobierno tapno masigurado a makadanon ti subsidized rice kadagiti target a benepisyaryo kas ti indigent, senior citizen, persons with disabilities, minimum wage earner ken solo parents.
Inlawlawag ti DA a naintiempuan ti panangpalawa ti distribution gapu ta napunno pay dagiti bodega ti National Food Authority.
