--Ads--
Nakasagana ti Department of Agriculture a mangkita iti sabali nga importer ti ganagan wenno abono no maapektaran ti suplayna gapu iti riribuk idiay Israel ken Iran.
Segun ken ni Presidential Communications Officer ken Palace Press Officer Claire Castro, nakapatangdan ni DA Secretary Laurel ket kunana a nakasaganada no bilang mapasamak daytoy, ta mabalinda a mangala iti sabali a paset ti lubong nga asideg iti pagilian kas ti Brunei.
Saan a makitkita ti DA a mangitunda daytoy iti napaot a parikut, nangruna no saan a maipasarra dagiti sea lanes.
Immunan a nagballaag ni Albay Rep. Joey Salceda a mabalin a mataktak ti suplay ti ganagan, nangruna ti urea, no agtultuloy ti riribuk idiay Gulf Region.
-- ADVERTISEMENT --
