Nagpanawagan ni Department of Agriculture (DA) Secretary Francisco Tiu Laurel, Jr. iti amin a mannalon iti intero a pagilian, kadagiti lokal a gobierno iti kada rehion, ken iti amin nga ordinario nga indibidual a makipaset ken tumulong iti panangbantay ken panangmonitor kadagiti maar-aramid a farm-to-market roads (FMRs) iti nadumaduma a paset ti pagilian, tapno masigurado a naurnos ken pudno ti pannakaaraamid dagiti imprastruktura a makatulong iti panagdur-as ti agrikultura.
Iti agdama, ipampamaysan ti panagsagana ti DA para iti umadani a panangirusat ti maysa a naisangsangayan a platform a maawagan nga “FMR Watch”.
Gagem ti gannuat a mangipaay ti bileg iti publiko a makipaset ti panangkita kadagiti proyekto ti FMRs.
Babaen iti “FMR Watch” platform, mabalin nga ag-upload ti asinoman manipud iti publiko kadagiti ladawan a mangipakpakita ti agdama nga estado ti konstruksion, mangipasa kadagiti report maipanggep iti panagdur-as ti proyekto, ken mangipaay ti pakdaar wenno damage ti aniaman nga isyu wenno problema a makitada mismo kadagiti construction site.
Impaganetget ni Sec. Tiu Laurel, Jr. ti kinapateg ti nalawa a partisipasion ti publiko iti panangmonitor kadagiti FMR. Augie Arellano
