--Ads--
Nagkiddaw ti Department of Agriculture iti agingga P125 billion kada tawen iti uneg ti innem a tawen tapno malpas ti pagkurangan iti farm-to-market roads iti pagilian.
Mapatta-patta nga umabot iti P750 billion ti kasapulan tapno makaipatakder iti nasurok-kumurang 55,000 kilometro dagiti rural road.
Nupay kasta, P16 billion laeng ti inlatang ti DA para iti FMR project iti sumaruno a tawen, isu a kayatda a manayonan iti P60-P66 billion kada tawen tapno malpas dagiti proyekto iti uneg ti 12 a tawen.
Manamnama a mangrugi ti bidding ita a bulan, ti konstruksion inton Disyembre, ken malpas dagiti proyekto a mai-bid ita a tawen inton katapusan ti 2027.
-- ADVERTISEMENT --
