Nagkiddaw ti Department of Agriculture ken National Irrigation Administration ti nayon a pondo para iti sumaruno a tawen.
Segun ken ni Agriculture Secretary Francisco Tiu Laurel Jr., napateg ti nayon a pondo para kadagiti proyektoda gapu iti manamnama a posibilidad iti epekto ti El Niño iti pagilian.
Karaman a kiniddaw ti opisial ti pannakaipangato ti Presidential Assistance for Farmers and Fisherfolk (PAF) a ti nasao a pondo ket mabalin a makurangan iti sumaruno a bulan gapu iti epekto payen ti Habagat ken dagiti bagyo.
Agkasapulan pay ti ahensia iti P8.7 B para iti fertilizer assistance para kadagiti mannalon ken nayon a P10B agingga P12 B para kadagiti mangngalap iti salinong dagiti programa ti Bureau of Fisheries and Aquatic Resources (BFAR).
