--Ads--
Isingsingasing ti Department of Agriculture ti pannakaingato ti taripa iti imported pork kalpasan a bimmaba iti P120 agingga P160 kada kilo ti farmgate price dagiti liveweight a baboy.
Segun ken ni Agriculture Secretary Francisco Tiu Laurel Jr., gagem ti addang a masuportaran dagiti lokal a hog raiser, kagiddan ti pannakaadal ti nangatngato nga special safeguard duties.
Suportaran pay ti DA ti gakat a P210 kada kilo a floor price para iti live hogs, ngem saan a mabalin a maipatungpal kas mandatory price gapu ta awan ti legal a turay ti ahensia.
Kabayatanna, pinabileg ti National Meat Inspection Service ti inspeksion kadagiti imported meat kadagiti wet market, idinto nga imon-monitor ti DA ti presio ti karne sakbay ti holiday season.
-- ADVERTISEMENT --
