Tallo a darakkel a proyekto iti imprastruktura nga aggatad ti kabuklan a P666.07 milyon ti naala ti regional approval iti salinong ti Philippine Rural Development Project (PRDP) ti Department of Agriculture (DA) idiay Eastern Visayas.
Kasaruno daytoy, maipasan dagiti proyekto iti national level para iti pinal a panagsukisok ken panang-apruba.
Karaman kadagiti proyekto ti dua a potable water system idiay Leyte ken Northern Samar ken maysa a farm-to-market road project idiay Northern Samar.
Dagituy a proyekto ket manamnama a mangpasayaat ti access iti nadalus a danum, mapapigsa ti koneksion dagiti komunidad iti sektor ti agrikultura ken magunggonaan dagiti rinibo a residente iti rehiyon.
Dumalan pay dagiti proyekto iti panagsukisok ti PRDP National Project Coordination Office sakbay a maaprobaran para iti implementasion.
