Agtultuloy ti panangital-o ti Department of Agriculture iti panangpapigsa ti sektor ti agrikultura babaen iti panangipatakder kadagiti farm-to-market road, cold storage, post-harvest facilities, irrigation systems, ken dadduma pay nga imprastraktura tapno maingato ti produksion, maksayan ti pannakalugi dagiti mannalon ken mailaklaka ti presio ti taraon.
Tapno mapondoan daytoy a proyekto, makitintinnulong ti ahensia iti pribado a sektor babaen iti public-private partnerships (PPPs) ken nakaala pay iti $1 billion a pondo manipud iti World Bank para iti Philippine Sustainable Agriculture Transformation Program.
Kagiddan dayta, pinalawa ti DA ti export market para kadagiti agricultural product ti pagilian kas ti durian, mangga, ken saba.
Nupay kasta, impaganetget dagiti sumagmamano nga eksperto ken lider ti industria a kasapulan a mapapigsa ti research and development, biosecurity, ken dagiti reporma iti polisiya iti daga ken negosio tapno agbalin nga ad-adda a produktibo ken competitive ti sektor ti agrikultura iti Pilipinas.
