--Ads--
Impasigurado ti Department of Agriculture nga ad-adu pay a lokal a gobierno ti mairaman iti P29 Program wenno panangilako iti PHP29 per kilo ti bagas kadagiti sumarsaruno a lawas.
Segun ken ni DA Spokesperson Asec Arnel de Mesa, sipud idi nairusat ti P29 program ket agsasarunon ti pannakikinnmmayet ti dadduma pay nga LGUs tapno adda paglakwan iti nalaka a bagas iti masakupanda.
Innayon ni De Mesa nga isimsimpadan ti guidelines tapno masigurado a dagiti vulnerable sector ti makagatang iti nalaka a bagas.
Asideg kadagiti komunidad a malukatan ti P29 Program tapno saanen a kasapulan a mapan dagiti masikog, senior citizens a gumatang iti nalaka a bagas.
-- ADVERTISEMENT --
Malaksid dayta, adda makanay a suplay ti nalaka a bagas tapno mapagtalinaed iti programa.
