Pinermaan ti Department of Agriculture (DA) ken Department of Tourism (DoT) ti nalawa a memorandum of agreement a gagem na a baliwan ti farm tourism ken ingetan ti langen-langen iti nagbaetan ti food production ken lumaw-lawa a travel industry ti pagilian.
Pormal nga insayangkat da Tourism Secretary Christina Garcia Frasco ken Agriculture Secretary Francisco Tiu Laurel Jr. ti partnership nga inkari dagiti ahensia nga i-linya dagiti programa, imprastruktura, ken promosion tapno ikabil ti Pilipinas kas umuna a destinasion ti taraon ken gastronomy iti Asia.
Ti katulagan ket naka-basar iti 1987 Constitution a mangibilbilin ti suporta ti estado para iti agrikultura babaen ti research, technology, financing ken marketing.
Iti salinong ti katulagan, makibinnulig dagiti ahensia iti panangpalawa ti destinasion ti turismo ken agrikultura ti pagilian.
