--Ads--
Target ni Department of Agriculture Secretary Francisco Tiu Laurel Jr a manayonan dagiti Kadiwa Store nga agilako iti P20 kada kilo ti bagas kalpasan ti pannakairusat ita nga aldaw ti pannakailako ti nalaka a bagas iti Bureau of Animal Industry wenno BAI Kadiwa ng Pangulo.
Segun ken ni Agriculture Secretary Tiu Laurel, manipud kadagiti tallopulo ket dua a Kadiwa Store, pagbalinenda a limapulo inton Hunyo dagiti agilaklako iti P20 kada kilo tib agas.
Ar-aramidenda daytoy kas maisurot iti kalikagum ni Presidente Ferdinand Bongbong Marcos Jr a mailako ti nalaka a bagas kadagiti Pilipino.
Iti pannakairusat ita nga aldaw ti nalaka a bagas, nakisango ti opisial ken dagiti kameng ti DA kadagiti aggatang iti nalaka a bagas.
-- ADVERTISEMENT --
