--Ads--
Iparit pay laeng ti Department of Agriculture ti panagangkat kadagiti poultry product manipud iti Indiana idiay Amerika gapu iti kaso ti H5N1 Avian Influenza wenno bird flu.
Segun ken ni Agriculture Secretary Francisco Tiu Laurel Jr., gagem ti addang a masalwadan ti poultry industry ti pagilian kontra iti posible nga iseserrek ti virus.
Karaman pay a maiparit ti poultry meat, day-old chicks, itlog, ken dadduma pay a produkto.
Mapalubosan latta a makastrek dagiti shipment a naipatulod sakbay a naipatungpal ti pammilin no daytoy ket naiproseso wenno naparti sakbay ti Enero 30.
-- ADVERTISEMENT --
Nagballaag ti DA a makumpiskar ti ania man a shipment nga aglabsing iti patakaran dagiti kangrunaan a pantalan ti Pilipinas.
