Inwaragawag ti Department of Agriculture ti panaglaka ti presyo ti bagas a mailaklako iti salinong ti Rice-for-All program iti P42 kada kilo manipud iti P43.
Segun ken ni Agriculture Secretary Francisco Tiu Laurel Jr., ti panagkissay iti presyo iti panagbaba ti taripa iti imported a bagas ken panagbaba ti presyo ti bagas iti intero a lubong.
Nupay kasta, kinunana a dagiti nayun a pannakatarimaan iti presyo ti Rice-for-All ket mabalin a posible, depende kadagiti trend ti presyo iti lubong ken iti peso-dollar a gatad ti foreign exchange.
Ti programa a Rice-for-All ket maaccess dagiti amin a gumatang nga awan ti limitasyon iti panaggatang, saan a kas iti P29 kada kilo ti bagas a nailatang laeng para kadagiti vulnerable group, pakairamanan dagiti senior citizen, persons with disability, solo parent, ken dagiti pamilia a nababa ti pastrekna.
Ti pannakailaklaka ti presyo ket kasaruno ti pammilin ni Presidente Ferdinand Marcos Jr a kissayan ti taripa iti naangkat a bagas manipud 35 percent agingga 15 percent nga epektibo iti Hulyo gapu iti arapaapna a mailaklaka ti bagas.
