Inikkat ti Department of Agriculture ti temporary ban iti panagangkat iti canned pork products a naipatungpal sipud 2019 gapu iti African Swine Fever.
Maipalubosen ti imported pork no daytoy ket industrially manufactured, hermetically sealed, heat-treated, ken adda valid a registration-na iti Pilipinas.
Maibasar iti naisayangkat nga Import Analysis, nababa unay ti biosecurity risk no suroten ti nainget a processing requirements.
Segun iti World Organisation for Animal Health, kasapulan a ma-heat treat ti produkto iti saan a nababbaba ngem iti 30 a minute iti minimum a 70°C tapno maparmek ti ASF virus.
Agtaltalinaed latta a napateg dagitoy nga addang ta agtultuloy a bumangbangon ti industria ti baboy iti Pilipinas manipud iti ASF, a manipud 2019 ket nangitunda iti nakaro a pannakalugi kadagiti hog raiser ken nakaro a bimmaba ti populasion ti baboy.
