Impasigurado ti Department of Agriculture (DA) iti publiko ti stable food supply para iti Christmas season iti laksid ti panagduprak dagiti bagyo ken ti agtultuloy a panagraira ti African swine fever (ASF).
Segun kenni ni Assistant Secretary Arnel De Mesa, under control ti sitwasyon iti laksid a dakkel ti pukaw ti produksion iti sektor ti agri-fishery gapu iti bagyo a Kristine ken Leon.
Naka-import ti DA ti 3.7 million metric tons (MT) a bagas tapno masupusopan ti gap iti local production, idinto a 30,000 MT nga imported fish manipud China ken Vietnam ti sumangpet tapno mang-compensate dagiti lugi.
Kabayatanna, stable ti vegetable supply ket manamnama a maka-recover dagiti lowland vegetables iti sumagmamano a lawas.
Iti laksid ti ASF umdas ti native hogs, ken umanay dagiti imported pork supplies.
Ipatpatungpal pay ti DA ti relief and recovery efforts para kadagiti apektado a mannalon, pakairamanan ti pannakaiwaras dagiti agricultural inputs, loanable funds, Quick Response Fund para iti rehabilitation, indemnification fund, pannakaipakat dagiti Kadiwa food truck, ken pannakaiwaras dagiti stock ti bagas manipud iti NFA.
