--Ads--
Impasigurado ti Department of Agriculture nga stable latta ti suplay ti ganagan para iti sektor ti agrikultura iti pagilian iti baet ti riribuk iti nagbaetan ti Israel ken Iran.
Dayta ket kasaruno ti amak ti kaaduan iti posible nga epekto ti tensyon idiay Gulf Region, a pakasarakan ti Qatar – maysa kadagiti kangrunaan nga agsupsuplay iti ganagan.
Segun ken ni Agriculture Secretary Francisco Tiu Laurel Jr., adu ti stocks ti ganagan ti pagilian agingga katapusan ti tawen.
Adda pay alternatibo a paggapuan ti ganagan, kas ti Russia ken Brunei Darussalam.
-- ADVERTISEMENT --
