--Ads--
Impasigurado ti Department of Agriculture a makanay ti suplay dagiti agricultural product iti pagilian iti sumaruno a 90 nga aldaw wenno agingga iti bulan ti Hunyo ita a tawen.
Dayta ket iti baet ti agtultuloy a rinnupak iti Middle East ken panagpangina ti presio dagiti produkto-petrolyo.
Segun ken ni Agriculture Secretary Francisco Tiu Laurel Jr., awan ita ti isyu a mangap-apektar kadagiti kangrunaan a magatang agraman ti bagas.
Innayon ti opisial a manamnama nga agtalinaed a natibker ti suplay uray agingga iti bulan ti Hulyo.
-- ADVERTISEMENT --
Inlawlawag pay ti DA chief a ti kangrunaan a rason ket ti adu nga stock ti bagas iti National Food Authority nga adda iti nakurang kagudwa a tonelada ti bagas.
