Kiniddaw ni Department of Agriculture (DA) Secretary Francisco Tiu Laurel, Jr. iti Vietnam a saan a kariten ti desision ti administrasion ni Presidente Ferdinand R. Marcos, Jr. a suspensoen iti panagangkat ti bagas iti uneg ti innem a pulo nga aldaw.
Dinakamat ni DA Secretary Laurel, Jr. dagiti report a kiniddaw ti Vietnam Food Association (VFA) iti Trade Ministry-na a kariten ti dua a bulan a pannakasuspenso ti Manila sakbay ti World Trade Organization (WTO).
Impamaysa ti agriculture committee’s hearing nga indauloan ni Quezon 1st District Representative Mark M. Enverga dagiti gakat a baliwan iti Agricultural Tariffication Act (ATA) tapno mapapigsa ti regulatory power ti National Food Authority (NFA), masuportaran iti industria ti bagas, ken masigurado ti panangsalaknib kadagiti consumer babaen ti umdas a suplay ken natalged a presio ti bagas.
Mangrugi inton Setyembre 1, suspensoen ti panagangkat ti bagas iti innem a pulo nga aldaw iti gagem a patibkeren ti presio ti lokal a bagas ken masigurado a saan a madangran dagiti lokal a mannalon gapu iti panagadu dagiti nalaklaka nga imported a bagas.
