Binilinen ni Dpartment of Agriculture Secretary Francisco Tiu Laurel Jr ti National Food Authority a rugian ti panagiyakar kadagiti buffer stock da idiay Visayas kas panagsagana iti pannakairusat ti P20/kilo ti bagas a programa iti salinong ti ahensia.
Maibasar iti opisial, agpaot iti makalawas ti pannakayakar dagiti stock ti bagas manipud kadagiti NFA warehouses kangrunaan dagiti aggapu iti paset ti Mindoro a mapan iti nadumaduma a paset ti Visayas.
Sakbay dayta ket impasigurado ti ahensia ti clearance iti panagilako kadagiti bagas manipud iti Commission on Elections a paset iti campaign promise ni President Ferdinand Marcos Jr idi nabotosan idi 2022.
Kabayatanna, dagiti buffer stock manipud idiay Mindoro ket maikabil kadagiti paset ti Visayas a limitado ti produksyonna iti bagas kas ti Cebu, Negros Island, Samar ken Leyte.
