Vigan City – Pinasingkedan ni Department of Agriculture Sec. William Dar a gagem ti Plant Plant Plant Program wenno Ahon Lahat, Pagkaing Sapat laban sa Covid-19 program a matulongan dagiti mannalon, mangalap ken consumer.
Iti pannaki-uman ti Bombo Radyo Vigan kenni Dar, alallukuyenna nga agmula ken agtaraken dagiti mannalon ken manggalap gapu iti parikot iti covid-19 isu a kasapulan iti pannakitinnulong iti amin tapno mapasayaat iti domestic food production.
Segun kenni Dar, tumultulong latta ti DA ken LGU tapno mapasayaat iti masapulan dagiti mannalon ken mangngalap.
Kasta pay a pinasingkedan ni Dar nga adda iti maited a tulong kadagiti mannalon iti Wet Season Planting kas iti panang-coverda iti 2.5 milyon nga ektarya babaen iti panangited iti certified seeds, buy 2 take 2 schemes ken training support.
