--Ads--
Agkidkiddaw ti Department of Agriculture ti P15 billion a pondo para iti sektor ti livestock ken poultry tapno mapapigsa ti lokal a produksion ken kompetision ti industria.
Segun ken ni Agriculture Secretary Francisco Tiu Laurel Jr., balbaliwan ti ahensia ti proposed budget gapu ti pannakaitantan ti pannakaipatungpal ti P20 billion nga Animal Competitiveness Enhancement Fund.
Babaen iti daytoy, mapatta-patta a walo bilion agingga siam a bilion pisos ti mabalin a mailatang iti sabali pay a programa, agraman ti panangpalawa kadagiti dairy farms ken milk feeding program.
Gagem ti addang a mapabuslon ti lokal a produksion ti gatas, matulongan dagiti mannalon nga agtartaraken iti baka, ken mataming ti malnutrision dagiti ubbing.
-- ADVERTISEMENT --
