Ad-adalen ti Department of Agriculture ti posibilidad a pannakaipatong ti P50 kada kilo a price ceiling iti imported a bagas, kasaruno ti panagpangina shipping price ken farm inputs gapu iti riribuk iti Middle East.
Segun ken ni Agriculture Secretary Francisco Tiu Laurel Jr., gagem ti cap a mapagtalinaed ti nalaka a presio a saan a maapektaran ti farmgate price para iti irik.
Innayon ti ahensia a kitkitaendan ti legalidad ti price ceiling, ket no mabalbalin ket maisingasing daytoy ken ni Presidente Ferdinand Marcos Jr. kas paset iti addang ti gobierno iti panangsango ti ngimmina a presio ti langis.
Kabayatanna, pinasingkedan ni Tiu Laurel a posible ita ti isu met laeng a price ceiling iti lokal a bagas, tapno saan a maapektaran ti pastrek dagiti mannalon.
